Brisbane

28.12.09 - 02.01.10

Noosa - Brisbane: vo noosa us sind mier wieder uf maroochydore, will det s grösste aquarium vo queensland isch, nämlich s "underwater world" heisst das ganze. det hend mier en seehund show gnosse und suscht no die farbige fischli agluegt. mier sind doch eher chle enttüscht gsi vom ganze, will mier meh erwartet hend unds im reisefüehrer gstande hed, dass mer mit de seehünd cha go schwimme. das hät mer au chönne mache für 90 bucks. nach üsem bsuech det isches wiiter richtig hauptsadt vom staat queensland gange.

Brisbane: vo wiitem hend mier scho d hochhüser gseh wo sich i himmel erstrecket und gmerkt dass es meh verkehrsteilnehmer hed als au scho. keis wunder, denn in brisbane läbet rund 1,6 millione mensche. doch für das isch d strassefüehrig und beschriftig also en riese bullshit. ohni navi würd mer da glaub nüd gfinde und au mitem muesch luege wie en häftlimacher, dass immer ide richtige spur bisch und so. üse caravan park hend mier chle usserhalb, aber mier sind doch i 10min voll im city centre wenn mier wend. mier hend üs de aber doch nomal uf d socke gmacht und sind id stadt go s jucy office sueche, will üs unterwegs es steindli vomene lastwage uf d frontschiebe gspickt isch und mier en chline hick dusse gha hend. mitem jucy-ma hend mier abgmacht, dass er üs am nächste morge am 9i alütet wo mier das chönd go flicke.

am nächste morge (29.12.09) am 9i isch de aber nüd gsi mit me telefon vo dene und de sind mier mal go dusch und so und wo nachem 10i die immer nonig aglüte gha hend, sind mier halt wieder bi ihne verbie gange. er hed de üs gseid, dass mier am nami nomal sölled verbiecho, will momentan niemert das cha flicke. drum sind mier in brisbane chle go shoppe zwüschet de hochhüser. s auto hend mier im parkhus abgstellt und das isch extrem tüür gsi. s auto hend mier für 2 stund und 17 minute det abgstellt und das hed 33 bucks kostet!! zrug bim jucy isch denn eine vonere dritt-firma gsi und hed versuecht de hick z flicke. das isch aber ned gange, wills z nass gsi isch. momentan rägents bi üs no relativ vill so untertags mal en stund und vill fast de ganz abig oder ide nacht. drum hend mier jetzt immer no en schöne spiegel bi üsere frontschiebe dusse und mier chönd de suscht irgendwo go flicke wenn mier wend und ihne d rechnig schicke.

üse plan wär eigentlich gsi über silvester ade gold coast z sie. zum glück hend mier no am vorabig umetelefoniert, denn es isch absolut rein gar nüd meh frie gsi uf eim vo dene caravan parks... drum hend mier halt meh oder weniger unfriewillig üsi ziit da in brisbane verlängeret bis nach neujahr. und eini vo de reception hed üs ghulfe öpis z sueche und a teile orte sinds bis am 19. januar usbuechet! und au da in brisbane hends scho rächt full house gha und drum hend mier üsei powered site müesse verlah und ufen camping site uswieche für en nacht.

da mier ned ade gold coast hend chönne schlafe, sind mier halt eifach am tag die go uskuntschafte. zerst sind mier hüt aber nomal meh richtig norde gfahre, will chle usserhalb vo brisbane (guet 1,5 stund autofahrt) isch im steve "crocodile hunter" irwin sin australia zoo. am nüni sind mier det acho und de zoo macht au erst denn uf, aber d lüüt sind glich scho schlange gstande. de zoo isch aber guet gsi, verschiednigi crocs heds gha, dingos, schildkrote, schlange, tiger, elefante und natürlich heds au en croc show gäh.

hüt (31.12.09) sind mier richtig southport mitem hintergedanke i eine vo dene villne theme parks z gah. mier hend üs de für de sea world entschiede und wo mier det acho sind, heds üs fast vom hocker grüehrt. 70 hämmer pro person isch de itritt gsi! das hed mich chle stutzig gmacht, aber nach de fantastische delphin show isch alles wieder vergässe gsi. am abig sind mier mitem auto zumene lookout gfahre, wo mier s führwerch hend chönne go luege. zerst hend mier gmeint mier sind am falsche ort wo mer s führwerch ned gseht, aber es sind de immer meh lüüt dezuegstosse. mer hät au chönne im zentrum ane riese party, aber mier sind z müed gsi und mier hend s neue jahr fast verschlafe. denn s erste führwerch isch am halbi 9i gsi und s zweite wär am 12i. mier hend entschlosse s erste go luege und de i üsem jucy no en dvd und am 12i mit chle champagner azstosse. jedefalls sind mier tiptop grutscht und ich hoffe iher all au.

surfers paradise? das seid glaub allne öpis oder es heds sicher jede scho mal ghört. mier sind hüt am erste tag im 2010 det gsi und üses fazit: mer muesses gseh ha, isch aber nüd speziells. denn mier hend scho schöneri stränd gseh zb in rainbow beach, aber es isch halt scho speziell d beach und 10 meter wiiter hinde d wolchechratzer... und natürlich lebt alles vom turismus und dementsprechend isch au alles voll mit läde und lüüt.

guets nüüs and cya soon