schuel und oktoberfäscht

sodeli mier hend scho wieder en wuche hinder üs. mier sind natürlich fliessig id schuel und hend au am abig sicher immer no en stund müesse anehock zum all üsi husi z erledige. es wird au langsam aber sicher immer wie wärmer da bi üs in cairns. mier merket das rächt, will nach de schuel chömed mier meistens verschwitzt und luut chüchend vom velöle wieder bi üs dihei ah (defür blied mier villicht es bitzeli fit). will sportlich betätiget mier üs bis jetzt nonig gross, mier beschränkeds ufs velofahre id schuel und wieder zrug. aber das änderet sich wahrschindlich die wuche, will mier chönd da in trinity beach ines fitnesscenter chle go pumpe :) aber de mirjam isches au hie in australie immer no z chalt, denn sie lauft am abig vill mit ihrem dickste pulli ume, wenn die andere oben ohne oder mitem t-shirt umelaufed.

ide schuel isches am fritig sehr still gsi, so z säge die ruhe nach dem ansturm. Denn die meiste japaner (ca. 38) sind wieder zrug will dete d semesterferie wieder fertig sind und wills no es paar neui europäer gäh hed, sind mier jetzt de fast i de überzahl ;)

das wuchenend hend mier nüd gwaltigs unternoh, mier sind meh oder weniger dihei bliebe, will eigentlich de ganz samstig morge hend mier husi gmacht und de simmer scho gli mal uf de wäg i usgang gmacht. und das isch würklich wieder mal en glanzleistig gsi, was mier det zstand brunge hend. s ziel vo mier, de mirjam, 3 japanische und 1 dütsche kolleg isch s oktoberfäscht vo cairns gsi. am 6i hemmer üs uf d söcke gmacht und nach gschlagnige 2 stund simmer det mal acho. will de ersti bus hed eifach mal 15min verspötig gha (das chund no öpe die vor...) und die linie gaht natürlich ned grad direkt id stadt, sondern macht lieber no 100 umweg wo eh niemert istiegt. und ide stadt hesch natürlich au ned grad en aschluss uf de nächst bus, drum hemmer det nomal en halb stund müesse warte. aber ebe mier sind de doch no bim oktoberfäscht acho (isch bim cannon park gsi) und hend au scho itrit und alles zahlt. de hends aber vo allne welle en ID gseh und wie mier zwei halt sind, hend mier bevor mier gange sind no all üsi chärtli usem portmonai gnoh, will es git ide stadt halt scho so gangs und es wird immer wieder öpe mal eine usgruumet. aber ebe mängisch wärs gschieder mer wär schläuer.... aber mier hend de en super erfahrig gmacht, denn d kollege wo au mitcho sind, hend de gseid sie gönd au ned ine und de simmer all zäme id stadt und hends no füecht fröhlich gha und ja die erst rundi isch de halt zf üsi chape gange :)

ja und hüt am morge hend mier bzw ich de kater a de beach chle usgnüechteret und mal so en richtige aussie burger gässe.

ich habe fertig.

gruess us down under + cya mate

üses zimmer

üsi oktoberfäschttruppe im woohl shed

churz trip zum cape tribulation

hi mate, hie in down under isches wider mal abig und ich hocke vorem compi und schriebe chle öpis i blog.

das wuchenend sind mier uf en vo de schuel us organisierte trip as cape tribulation (kap des trübsals). am samstig morge isch nüd gsi mit usschlafe, denn am 9i isch de bus abgfahre. für üs isch d unterkunft zahlt gsi, aber s ässe für de lunch und s dinner am abig sowie d verpflegig am sunntig (zmorge und lunch), hend mier sälber müesse mitneh. fürs dinner hend mier sache mitgnoh für es barbie (BBQ), will mier dänkt hend dass eh all die japaner und so ihre riis choched :) voll bepackt und mitere chüehltäsche hend mier mitem guet glunte busfahrer d reis i agriff gnoh. de küste entlang nordwärts, wos überall schöni (und vorallem leeri) stränd hed. es wiiter phenomen vo de asiate, die chönd wie uf chnopfdruck ischlafe und hend nätürlich vo dene malerische gägend ned vill mitbecho... mier hend de en churze stop gmacht z mossman, wo mier au die bekannti mossman gorge sind go aluege. also det chamer meh oder weniger en tschungel spazier gang mach (isch also super schön gsi)! nachher isches wiiter gange mit de autofähri über de daintree river richtig cape tribulation. s cape tribulatoin isch en teil vom daintree und ebe de daintree isch de ältisti (rege)wald vo de wält, han ich mier vom röbi lah säge. det gits bäum wo pro jahr 1mm wachset und die sind jetzt öpe so um die 5m höch... jetzt cha jede mal sälber usrächne, wie alt d bäum sind denn ich ha kei tascherächner dah und chopfrächne isch glückssach ;)

nachdem mier de bi üsere unterkunft acho sind hend mier üsi zimmer bezoge und sind no chle an strand go bade. det obe am cape tribulation isch eifach en unberüehrti natur. isch alles nationalpark und hed drum kei natel empfang, fast kei verkehr und vorallem i de nacht kei stadtliecht. eifach stockdunkel und defür isch de stärnehimmel umso schöner... am abig hend mier s barbie gnosse zäme mit de schlitzauge (wo kei riis gmacht hend sondern au grilliert) und es paar bier kippt.

am nächste tag simmer de wieder zrug richtig cairns gfahre, wo mier gmeint hend, dass mier no en stop mached bim daintree river und no gönd det druf chle go umefahre und crocs aluege. dem war aber leider nicht so... mier hend defür en halt in port douglas gmacht und vomene ussichts punkt uf eine vo de schönste stränd vo de welt chönne gluegt. ebefalls hend üse fahrer de gmerkt dass mier nöme all zu vill luft im pneu also so z säge en platte gha hend und das üsi heimkehr chle verspötet hed.

hüt hemmer wieder en normale schueltag gha und sind nachher no chle a de schöni strand vo trinity beach go schwimme. das gnüsset mier jetzt no so lang mier no chönd, denn so abem oktober wenns de heiss wird da, chömed nämlich au die giftige qualle und de söt mer eigenttlich nömme is meer go plantsche :)

so das wärs für de momänt. gruess + cya

uf de fahrt richtig port douglas

mossman gorge

d beach im cape tribulation

sicht uf de malerischi strand vo port douglas (leider isch d mirjam no im wäg :P)

ersti schuelwuche/riis mampfer und hornhutme

bi üs isches amig und scho stockdunkel dusse, also isches eigentlich no gli mal am abig (18.30) und ich bi i mim zimmer und schrieb wieder mal öpis i blogg, dass ich die ufmerksame läser dihei meh oder weniger wieder cha chle niedisch mache....

am mändig hend d mirj und ich üse erst schueltag gha. mier fahred jede morge mitem velo zur schuel und am abig wieder hei zue. für d strecki vo trinity beach zu de james cook university bruched mier guet 15min. und wo mier am mändi morge det acho sind, hend mier s gfühl gha mier sind ufem falsche kontinent! es hed nur so gwimmlet vo chinese, japaner, taiwanese, koreaner und was es halt suscht no so für schlitzauge gid :) well done, mier hend de glich mal üse study uswies becho und hend üsi personalie agäh. und det hemmer zum glück au no en verei

nsamti schwiizerin atroffe... momentan heds öpe 60 englisch lernendi schüler, devo sind 3 schwiizer (also d mirjam, ich und ebe die ander -> nicole) 1 spanier, 1 franzos und suscht heds würklich nume no asiate!! üsi "firstklass" bestaht us 6 lüt (3 schwiizer, 1 taiwanesin, 1 südkoreaner und 1 japaner) und mier hend zwei lehrer wo eigentlich au guet sind. de lehrer isch zwar au en lustige, aber eher chle en drill sargent und d lehrerin wo mier hend, die isch en festeri,super funny powerfrau (also würklich wie d woophi goldberg). und d mitschüeler sind au agnähmi und isch no interessant die kulturelle unterschied festzstelle... aber all die asiate sind scho länger da in cairns und hend suscht scho en englisch intensiv kurs gmacht oder hend scho sit 10 jahr englisch und sind üs drum chle vorus hemmer gmeint, aber mier schwiizer sind ned bedeppert und möget au mit :)

überrascht sind mier am erste schueltag gsi, will mier hend gmeint gha, dass es en istufigstest git, zum luege, ob mier überhaupt s first dörfed mache. dem war aber nicht so, denn mier hend grad knall hert en ganzi first prüfig 1:1 duregmacht. ville härzliche, ich wo sit 4 jahr kei englisch meh gha ha muess am erste tag grad zwei ufsätz schriebe... aber mier hend j

a jetzt ziit 12 wuche zum üs guet druf z vorbereite (was mier au no nötig hend).

a de restliche schueltäg isch ned vill erwähnenswärts meh gloffe, ussert dass d schlitzauge scho zum znüni ihre riismampfed und zum z mittag all ihre food mitbringed vo tintefisch über döner usw... und mier ässed amigs üsi sandwich wo mier am morge liebevoll parat mached, defür gits de öpis richtig znacht.

und dihei im hus laufet mier meistens barfuess umenand und hend de öpe chle hornhut a de füess wenn mier zrug chömed:)

am wuchenänd gömmer mit de schuel scho ufe ersti usflug, as cape tribulation. d unterkunft isch zahlt, mier mönd eifach s znacht sälber mitneh und de lunch für am nächste tag, will mier im rägewald, besser gseid mier hend det es hostel, wo mier übernachtet. ebefalls werdet mier mit me schiff ufem daintree river go crocs aluege wo umenand schwimmet oder ligged. ide nöchi (also ned vom daintree river wos crocs hed, sondern vo de unterkunft) heds no en beach wo mier chönd go schwimme und üs chle brüne ;) und was no meh chund weiss ich ned und mier lönd üs eifach mal überrasche....

morn isch de letschti schueltag vo dere wuche und de bliebet üs nur no 11 übrig, aber d ziit vergaht wie im flug da und bis jetzt isch au no keis bitz heiweh ufcho, will mier hend da würklich alles wo mier bruched und sind total happy under de obhuet vo de martha und em röbi.

so das wärs für de momänt, wie gseid ich gah jetzt go pfuse und iher dänket wahrschindlich langsam an fierabig.

gueti ziit and cya

Trinity Beach... (das isch de ort wo ich läbe, bi sunne oder räge)

akunft/jetlag/feriefeeling

so ich mälde mich wieder mal usem andere endi vo de welt. als ersts üs gahts tip top, mier gnüssed s super wätter da in down under!

d reis isch eigentlich au guet gange, ussert das halt ned weisch was mache wenn eifach so mal muesch 4 stund abwarte bis de ander flüger gaht... aber dubai isch ja en riesige flughafe mit nomeh agstellte, wo rihtig gehend druf wartet bis öpis z tue hend :) und wo mier de en

dlich wieder hend chönne ines flugi unds wiiter gange isch, wärs üs lieber gsi mier währed am bode bliebe. wo mier nämlich über de indisch ozean gfloge sind heds sicher 7h lang eifach nur turbolänze gha und s flügi hed gschwankt und gmacht, dass üs zwei de app

etit ufs zmorge eigentlich vergange isch... mier sind de aber guet z brisbane acho und hend de dete uscheckt und üsi toblerone und schoggi creme vo de mirgros heil dure zoll bracht. am flugehafe hend mier wahrschindlich so hilflos id welt gluegt, dass üs eini vom personal isch cho frage ob sie üs cha hälfe :) und ich glaube ohni ihri hilf hättet mier de natinal airport ned gfunde... vo det us isches mit de virginblue airline wiitergange richtig cairns und wo mier de am mittwuch mittag au in cairns sicher glandet sind und uf üses gepäck gwartet hend hed üs im rugge plötzlich öpert mit schwiizerdütsch agsproche (nätürlich de röbi und d martha). mitem jeep sind mier de uf trinity beach gfahre und sind de zum wach bliebe chle ad beach go bade und spaziere.

am dunstig hend mier sicher bis am 11i pennt (insges

ammt öpe 14 stund) und sind de ad beach abegstüret und sind am abig wieder totmüed gsi und hend grad wieder en 13 stünder schlaf angleid :)

am fritig sind mier de id city mitem bus go shoppe. zum bus isch z säge das mier gschlagnigi 50min vo trinity beach nach cairns gha hend! (da lob ich mier die zvb)

es highlite vo üsere reis hend mier wahrschindlich am samstig dörfe erläbe. miteme katamaran sind mier zäme mit de ganze family meier as great barrier reef usegfahre und sind go schnorchle! mier hend sogar es paar reef haie gseh vom boot us und de au bim schnorchle chle

vo wiitem (5-10m) no en grössere :) de mirjam isches de aber nömme so wohl gsi :) das isch es riese erläbnis gsi, denn au nur scho bim anefahre sind mier vorne ufem bug ghocket und sind nass gsprützt worde vo de mannhoche welle :) und de s schnorchle unds barbie (BBQ) ufem schiff isch super gsi!

und hüt sunntig sind mier meh oder weniger nur chle umegläge und hend no chle s feriefeeiling gnosse, will morn isch üse erst schueltag :S mier sind no schnell go luege wo d schuel isch, dass mier die morn mitem velo gfindet. und grad i de nöchi isch no de bekannt bangee jumping platz vo cairns und vo det hesch en super ussicht über die ganz city.

so das isches öpe für de momänt. mier gö

nd öpe go pfuse und fanget morn mit de schuel ah, aber au das wird sicher super!

gruess us down under + cya

abreis

so gli isches so wiit und es gilt ernst.... hüt abig 22.15 gaht üse flüger :) nach guet 6,5 stund mached mier en zwüschelandig z dubai und flüged de wiiter nach brisbane (14,5 stund). und det heissts de stresse und schnell us checke und wieder ichecke und de nomal 2,5 stund flug nach cairns.... wenn alles klappt chömed mier det am mittwuch 12.10 ortsziit ah (iher sind de wahrschindlich all am schlafe wills da i de schwiiz am morge am 4i isch).

so ich hoffe trotz mim gwicht bliebt de vogel i de luft und es lauft alles riebigslos uf de reis. und natürlich isch d vorfreud uf de jetlag und de flugzüg frass jetzt scho riesig ;)

cya